பாமாலை 272 - விண் வாழ்வில் ஆசை (Tune -St. Francis Xavier)

பாமாலை 272 - விண் வாழ்வில் ஆசை
My God I love Thee
(Tune -St. Francis Xavier)

 Unison

Soprano

Alto

Alto with Soprano

Tenor

Tenor with Soprano

Bass

Bass with Soprano

1. விண் வாழ்வில் ஆசை வைத்தல்ல,
நித்திய சாவையே
நான் அஞ்சியல்ல; ஆண்டவா,
நேசிப்பேன் உம்மையே.
 
2. மனுக்குலம் அனைத்தையும்
உம் குரூசில் அணைத்தீர்;
எனக்காய் ஆணி ஈட்டியும்
நிந்தையும் சகித்தீர்
 
3. சத்துரு நீசன் எனக்காய்
சகித்தீர், நாதரே,
இரத்த வேர்வை வேதனை
வல் துக்கம் சாவுமே
 
4. என் திவ்விய நாதர் இயேசுவை,
நரக அச்சமும்
நன் மோட்ச ஆசையும் அற்றே,
நேசிப்பேன் முற்றிலும்.
 
5. எவ்வீவும் எதிர்நோக்கிடேன்
பிரதி பலனும்;
என்னை மா, அன்பா! நேசித்தீர்
நேசிப்பேன் நீசனும்.
 
6. என் சுவாமி நித்திய வேந்தரும்
நீர் தாமே; ஆகையால்
என்றென்றும் உம்மை நேசித்துப்
புகழ்வேன் பாடலால்.   

Post Comment

பாமாலை 259 - இயேசுவே நீர்தாமே

பாமாலை 259 - இயேசுவே, நீர்தாமே (Bavarian 96)
Jesu Meine Freude

Unison

Soprano

Alto

Alto with Soprano

Tenor

Tenor with Soprano

Bass

Bass with Soprano

1. இயேசுவே, நீர்தாமே
என் மகிழ்ச்சியாமே,
நீர் என் பூரிப்பு;
என் மனம் நாள்தோறும்
ஆசை வாஞ்சையோடும்
உம்மை நோக்குது.
கர்த்தரே, உலகிலே
உம்மை யன்றி வாழ்விராது,
இன்பமும் காணாது.
 
2. நல் மறைவின் கீழே
நான் ஒதுங்க, நீரே
என் அரண்மனை;
சாத்தான் வர்மிக்கட்டும்,
எதிரி சீறட்டும்,
இயேசு என் துணை.
திகிலும் பயங்களும்
பாவ நரகக்கெடியும்
இயேசுவால் தணியும்.
 
3. வலு சர்ப்பத்துக்கும்
சாவின் பற்களுக்கும்
நான் திடுக்கிடேன்.
லோகமே, விரோதி;
நான் சங்கீதம் ஓதி
தோத்திரிக்கிறேன்.
தெய்வக்கை என் சலுகை;
இனிச், சாத்தான் கூட்டத்தார்கள்
மௌனம் அடைவார்கள்.
 
4. பொக்கிஷங்கள் யாவும்
வீணும் விருதாவும்;
இயேசு என் கதி,
லோகத்தார் இச்சிக்கும்
வாழ்வு குமிழிக்கும்
கானற்கும் சரி,
அதை ஏன் தொடருவேன்;
இயேசுவோடடைந்த தாழ்வு
பெரிதான வாழ்வு.
 
5. மனமே,  நீ ஆறு,
பூரிப்பாகப் பாடு,
இயேசு சேர்ந்தாரே;
அத்தால் எந்தப் பாடும்
தித்திப்பாக மாறும்.
நான் உலகிலே
நிந்தையும் நிஷ்டூரமும்
உத்தரித்தும், இயேசுதாமே
என் மகிழ்ச்சியாமே.

Post Comment

பாமாலை 266 - பிரியமான இயேசுவே

Unison

Soprano

Alto

Alto with Soprano

Tenor

Tenor with Soprano

Bass

Bass with Soprano

1. பிரியமான இயேசுவே,

என் நெஞ்சைத் தயவாக

நீர் பூரிப்பாக்கி, என்னிலே

மிகுந்த நிறைவாக

தெய்வீக அன்பை ஊற்றியே,

பேரருள் தந்த உம்மையே

நான் துதிசெய்வேனாக.

2. என் நெஞ்சில் உம்மால் பற்றின

அன்பென்னும் தீ எரியும்;

என் மனதும்மால் உத்தம

மகிழ்ச்சியை அறியும்;

நான் உம்மை நோக்கும்போதெல்லாம்,

என் துக்கம் உம்மிலே உண்டாம்

அருளினால் தெளியும்.

3. நீர் என் வெளிச்சம்; உம்மால்

நான் திறந்த முகமாக 

பிதாவின் இன்ப நெஞ்சைத்தான்

என் ஆறுதலுக்காக

கண்ணோக்கும்போது, தயவாய்

நீர் என்னை நீங்கா ஜோதியாய்

பிரகாசிப்பிப்பீராக.

4. நீர் மோட்சத்துக்குப் போம் வழி;

உமக்குள்ளான யாரும்

தப்பிப் போகார்; ஆ, இந்நெறி

விலகினோர் எல்லாரும்

கெட்டழிந்து போவார்களே;

வழியாம் ஸ்வாமீ, உம்மிலே

நிலைக்க என்னைக் காரும்

5. நீர் சத்தியம்; நான் உம்மையே

தெரிந்துகொண்டிருப்பேன்;

மாறாத மெய்ப் பொருள் நீரே,

வீண் மாய்கையை வெறுப்பேன்;

உம்மாலே பாக்கியம் வரும்;

மெய்யே, என் நெஞ்சை என்றைக்கும்

நான் உமக்கே படைப்பேன்.

6. நீர் ஜீவன்; என்னை நீர் நீரே

பலத்தால் இடைகட்டும்;

திடன் இல்லா அந்நேரமே

என் நெஞ்சில் ஊக்கம் தாரும்,

தெய்வீக ஜீவன் என்னிலே

மென்மேலும் வளர்ந்தோங்கவே

நல்லாவியாலே காரும்.

(2-ஆம் பாகம்)

1. நீர் ஜீவ அப்பம்; பஞ்சத்தில்

உம்மால் என் பசி ஆறும்;

நான் போம் வனாந்தரங்களில்

என் உள்ளம் உம்மை நாடும்;

பிதாவின் ஈவாம் மன்னாவே,

நீர் என்னைப் பாவ இச்சைக்கே

விலக்கிக் காத்துக்கொள்ளும்.

2. நீர் ஜீவ ஊற்று; உம்மாலே

என் ஆத்மத் தாகம் தீரும்;

நீர் தரும் ஈவு நித்தமே

சுரக்கும் தண்ணீராகும்;

நீரூற்றாய் என்னில் ஊறுமேன்,

நிறைவாய் நித்தம் தாருமேன்

ஆரோக்கியமும் சீரும்.

3. நீர் என்னை ஜோடிக்கும் உடை,

நீர் என் அலங்கரிப்பு;

நான் உம்முடைய நீதியை

அணிவதென் விருப்பு;

பூலோகத்தின் சிங்காரமாம்

விநோத சம்பிரமம் எல்லாம்

என் ஆவிக்கு வெறுப்பு.

4. நீர் நான் சுகித்து தங்கிடும்

அரண்மனையும் வீடும்;

புசல் அடித்தும் விருதா,

பேய் வீணாய் என்னைச் சீறும்;

நான் உம்மில் நிற்பேன், ஆகையால்

கெடேன்; பொல்லார் எழும்பினால்

நீர் என் வழக்கைத் தீரும்.

5. என் மேய்ப்பராய் இருக்கிறீர்,

என் மேய்ச்சலும் நீர்தாமே;

காணாமல்போன என்னை நீர்

அன்பாக மீட்போராமே;

இவ்வேழை ஆட்டை என்றைக்கும்

நீர் விலக விடாதேயும்

நான் உம்முடையோனாமே.

6. நீரே நான் என்றும் வாஞ்சிக்கும்

மா நேசமுள்ள நாதர்;

நீரே என் ஆசாரியரும்

பலியுமான கர்த்தர்;

நீர் என்னை ஆளும் ராஜாவும்

உம்மோடே எந்தப் போரிலும்

ஜெயிப்பேன், மா சமர்த்தர்.

(3-ஆம் பாகம்)

1. நீர் உத்தம சிநேகிதர்,

என் நெஞ்சும்மேலே சாயும்;

நீர் உத்தம சகோதரர்,

நீர் என்னைப் பார்க்கும் தாயும்;

நீர் நோயில் பரிகாரியே,

உம்மாலே ஆறிப்போகுமே

என் காயமும் விடாயும்.

2. படையில் நீர் சேனாபதி,

வில் கேடகம் சீராவும்;

கரும் கடலில் நீர் வழி

காண்பிக்கும் சமுக்காவும்;

எழும்பும் கொந்தளிப்பிலே

நீர் என் நங்கூரம், இயேசுவே,

நான் ஒதுங்கும் குடாவும்.

3. நீர் ராவில் என் நட்சத்திரம்,

இருளில் என் தீவர்த்தி;

குறைவில் நீர் என் பொக்கிஷம்,

தாழ்விலே என் உயர்ச்சி;

கசப்பிலே என் மதுரம்;

நான் தொய்ந்தால் மீண்டும் என் மனம்

பலக்க, நீர் என் சக்தி.

4. நீர் ஜீவனின் விருட்சமும்,

நீர் செல்வங்கள் பொழியும்

பூங்காவனமும், என்றைக்கும்

சுகம் தரும் கனியும்;

முள்ளுள்ள பள்ளத்தாக்கிலே

என் ஆவிக்கு நீர், இயேசுவே,

குளிர்ந்த பூஞ்செடியும்.

5. நீர் துக்கத்தில் என் ஆறுதல்,

நீர் வாழ்வில் என் களிப்பு;

நீர் வேலையில் என் அலுவல்,

பகலில் என் சிந்திப்பு;

நீர் ராவில் என் அடைக்கலம்,

நீர் தூக்கத்தில் என் சொப்பனம்,

விழிப்பில் என் குறிப்பு.

6. ஆ, ஒப்பில்லாதஅழகே!

நான் எத்தனை சொன்னாலும்

என் நாவினாலே கூடாதே;

நான் என்ன வாஞ்சித்தாலும்

அதெல்லாம் நீரே, இயேசுவே;

ஆ, தயவுள்ள நேசரே

நீர் என்றும் என்னை ஆளும். 

Post Comment

பாமாலை 255 - நான் தேவரீரை கர்த்தரே

Unison 

Soprano

Alto

Alto with Soprano

Tenor

Tenor with Soprano

Bass

Bass with Soprano

1. நான் தேவரீரை, கர்த்தரே,

துதிப்பேன்; அடியேன்

எல்லாரின் முன்னும் உம்மையே

அறிக்கை பண்ணுவேன்.

 

2. ஆ, எந்தப் பாக்கியங்களும்

உம்மால்தான் வருமே,

உண்டான எந்த நன்மைக்கும்

ஊற்றானவர் நீரே.

 

3. உண்டான நன்மை யாவையும்

நீர் தாரீர்; நித்திய கர்த்தரே;

உம்மாலொழிய எதுவும்

உண்டாகக் கூடாதே.

 

4. நீர் வானத்தை உண்டாக்கின

கர்த்தா, புவிக்கு நீர்

கனிகளைக் கொடுக்கிற

பெலனையுந் தந்தீர்.

 

5. குளிர்ச்சிக்கு மறைவையும்

தாரீர்; எங்களுக்குப்

புசிப்பதற்கு அப்பமும்

உம்மால் உண்டாகுது.

 

6. ஆரால் பலமும் புஷ்டியும்,

ஆராலேதான் இப்போ

நற்காலம் சமாதானமும்

வரும்? உம்மால் அல்லோ.

 

7. ஆ, இதெல்லாம், தயாபரா,

நீர் செய்யும் செய்கையே;

நீர் எங்களைத் தற்காக்கிற

அன்புள்ள கர்த்தரே.

 

8. உம்மாலே வருஷாந்திரம்

பிழைத்து வாழ்கிறோம்;

உம்மாலே நாங்கள் விக்கினம்

வந்தாலும் தப்பினோம்.

 

9. ஆ, களிகூர்ந்து பூரித்து

மகிழ், என் மனதே;

பராபரன்தான் உனது

அநந்த பங்காமே.

 

10. அவர் உன் பங்கு, உன் பலன்;

உன் கேடகம், நன்றாய்த்

திடப்படுத்தும் உன் திடன்;

நீ கைவிடப்படாய்.

 

11. உன் நெஞ்சு ராவும் பகலும்

துக்கிப்பதென்ன? நீ

உன் கவலை அனைத்தையும்

கர்த்தாவுக் கொப்புவி.

 

12. உன் சிறு வயதுமுதல்

பராமரித்தாரே;

கர்த்தாவால் வெகு மோசங்கள்

விலக்கப்பட்டதே.

 

13. கர்த்தாவின் ஆளுகை எல்லாம்

தப்பற்றதல்லவோ;

ஆம் அவர் கை செய்கிறதெல்லாம்

நன்றாய் முடியாதோ?

 

14. ஆகையினால் கர்த்தாவுக்கு

நீ பிள்ளைப் பக்தியாய்

எப்போதும் கீழ்ப்படிந்திரு,

அப்போது வாழுவாய்.

Post Comment

பாமாலை 263 - ஜீவாதிபதி ஜோதியே (Hursley)

பாமாலை 263 – ஜீவாதிபதி ஜோதியே

(Jesu Thou Joy of loving hearts)

Tune: Hursley

Unison with Descant

Unison

Descant

Soprano

Alto

Alto with Soprano

Tenor

Tenor with Soprano

Bass

Bass with Soprano

1. ஜீவாதிபதி, ஜோதியே,

பக்தரின் இன்ப இயேசுவே,

லோகின் மா இன்பம் ருசித்தும்

சேர்ந்தோம் உம் பாதமே மீண்டும்.

2. பாதம் சேர்ந்தோரை மீட்பீரே

இவ்வுண்மை என்றும் மாறாதே;

தேடுவோர்க்கு நீர் நல்லவர்;

பற்றுவோர்க்கு சம்பூரணர்.

3. விண் அப்பம் உம்மில் ருசிப்போம்,

முற்றும் உட்கொள்ள ஆசிப்போம்;

நீர் ஜீவ ஊற்று உம்மிலே

உள்ளத்தின் தாகம் தீருமே.

4. மாறிடும் வாழ்க்கை யாவிலும்

எம் ஆத்மா உம்மை வாஞ்சிக்கும்;

உம் அருட் பார்வை இன்பமே,

விஸ்வாசிப்போர்க்கு பாக்கியமே.

5. தங்கும் எம்மோடு, இயேசுவே,

எக்காலும் ஆற்றித் தேற்றுமே;

காரிருள் பாவம் ஓட்டுமே,

உம் தூய ஜோதி வீசுமே.

Post Comment

பாமாலை 262 - என் மேய்ப்பர் (Dominus Regit Me)

பாமாலை 262 – என் மேய்ப்பர் இயேசுகிறிஸ்துதான்

(The King of Love my Shepherd is)

‘கர்த்தர் என் மேய்ப்பராயிருக்கிறார்; நான் தாழ்ச்சியடையேன்’. சங்கீதம் 23: 1

கிறிஸ்தவ ஆலய ஆராதனைகளில் பதினைந்தாம் நூற்றாண்டு வரையிலும் திருமறையிலுள்ள சங்கீதங்களையே பாடல்களாகப் பாடிவந்தனர். இப்போதும் பல சபைகளில் சங்கீதங்கள் ராகத்துடன் பாடல்களாகவே பாடப்படுகின்றன.  அக்காலத்திலும் சில பக்தர்களால் சில பாடல்கள் எழுதப்பட்டிருந்தாலும் அவை வெகுவாக ஆலய ஆராதனைகளில் பாடப்படவில்லை.  பதினாறாம் நூற்றாண்டின் மத்தியில், பல சங்கீதங்கள் ஞானப்பாடல் ரூபத்தில் அமைக்கப்பட்டு (Metrical Psalms) அவற்றிற்கேற்ற ராகங்களுடன் பாடப்பட்டன.  இக்காலத்திலும், சங்கீதங்களை மாறி மாறி வாசிப்பதற்குப் பதிலாக, ஸ்காட்லாண்ட் சபை முதலிய பல சபைகளில் சங்கீதப் பாடல்களையே பாடிவருகின்றனர்.  பின்னர் 1542ம் ஆண்டு மார்ட்டின் லூதர் இப்பாடல்களைப் புத்தக வடிவில் வெளியிட்டார். சில ஆண்டுகளுக்குப்பின், 1562ல் ஜெனீவன் சங்கீதப்பாடல்கள் (Genevan Psalter) என்னும் பெயரால் ஒரு பாட்டுப் புத்தகம் வெளியிடப்பட்டது. இதிலுள்ள பாடல்களே கிறிஸ்தவ ஆலய ஆராதனைகளிலும் மற்றும் வழிபாடுகளிலும் பாடப்பட்டுவரும் பாடல்களின் ஆரம்பமாகும்.

தற்காலத்திலும் சங்கீதங்களையே அடிப்படையாகக் கொண்ட பல பாடல்கள் நமது பாட்டுப்புத்தகங்களிலுண்டு. இதற்கு உதாரணங்கள்:

v  பாமாலை 9 – பூலோகத்தாரே யாவரும் (சங்கீதம் 100)

v  பாமாலை 253 – கர்த்தாவே யுகயுகமாய் (சங்கீதம் 90)

v  பாமாலை 254 – களிப்புடன் கூடுவோம் (சங்கீதம் 136)

v  பாமாலை 212 – பகலோன் கதிர் போலுமே (சங்கீதம் 72)

v  பாமாலை 327 – வாழ்நாளில் யாது நேரிட்டும் (சங்கீதம் 34)

v  பாமாலை 375 – நீரோடையை மான் வாஞ்சித்து (சங்கீதம் 42)

‘என் மேய்ப்பர் இயேசுகிறிஸ்துதான்’ என்னும் இப்பாடல் 23ம் சங்கீதத்தைத் தழுவி எழுதப்பட்டது.

Sir Henry Williams Baker

ஆங்கிலத் திருச்சபைகளில் உபயோகப்பட்டுவரும், ‘Hymns Ancient and Modern’ என்னும் பாட்டுப்புத்தகம் தொகுக்கப்படும்போது, அதின் தொகுப்பாளராக, ஸர் ஹென்றி பேக்கர் (Sir Henry Williams Baker) நியமிக்கப்பட்டார்.  அவர் அப்புத்தகத்தில் பல சங்கீதப் பாடல்களைச் சேர்க்க விரும்பி, பல பாடல்களைச் சேகரித்தார்.  23ம் சங்கீதத்தைத் தழுவிய சில பாடல்களும் கிடைத்தன.  ஆனால் அவை ஒன்றும் அவருக்குத் திருப்தியளிக்கவில்லை.  ஆகவே இச்சங்கீதத்தைத் தழுவிய பாடல் ஒன்றைத் தாமே எழுதத் தீர்மானித்து, ‘என் மேய்ப்பர் இயேசுகிறிஸ்துதான்’ என்ற பாடலை 1859ல் ஆங்கிலத்தில் எழுதினார்.  அவரால் எழுதப்பட்ட ஏராளமான பாடல்களில், இப்பாடலே மிகச் சிறந்ததாகப் போற்றப்படுகிறது.

ஸர் வில்லியம் ஹென்றி பேக்கர் 1821ம் ஆண்டு லண்டன் மாநகரில் பிறந்தார்.  அவரது தந்தை ஆங்கிலக் கப்பற்படையில் தளபதியாக (Admiral) பணியாற்றியவர்.  ஹென்றி பேக்கர் கேம்பிரிட்ஜ் பல்கலைக்கழகத்தில் திரித்துவக் கல்லூரியில் பயின்று, 1844ல் பி.ஏ. பட்டமும், 1847ல் எம்.ஏ. பட்டமும் பெற்றார்.  1846ல் அவர் குரு அபிஷேகமும் பெற்று, தமது திருப்பணியை ஆரம்பித்தார்.  1851ம் ஆண்டு ஹெரிபோர்ட்ஷயர் மாகாணத்தில் மங்க்லண்ட் நகரின் பிரதம குருவாக நியமனம் பெற்றார்.  இச்சபையில் அவர் இருபத்தாறு ஆண்டுகள் பணியாற்றி, தன் வாழ்க்கையின் மிகுதியான பாகத்தை பாடல்கள் எழுதுவதிலும், பாட்டுப் புத்தகங்கள் இயற்றுவதிலும் செலவிட்டார்.  கிறிஸ்தவ உலகத்திற்கு அவர் செய்த அரிய சேவை, அவர் இயற்றிய, ‘Hymns Ancient and Modern’ என்னும் பாட்டுப்புத்தகமாகும்.  இதில் அவரே எழுதிய 37 பாடல்கள் உண்டு.  அவர் எழுதிய இதர பாடல்களில் தமிழில் மொழிபெயர்க்கப்பட்டவை:

v  பாமாலை 177 – நாதன் வேதம் என்றும்

v  பாமாலை 221 – கர்த்தா நீர் வசிக்கும்

v  பாமாலை 407 – விண்வாசஸ்தலமாம் பேரின்ப வீடுண்டே

ஸர் ஹென்றி பேக்கர், 1877ம் ஆண்டு, தமது 56ம் வயதில் காலமானார்.  தமது மரணப் படுக்கையில் அவர் கடைசியாகப் பேசிய வார்த்தைகள் இப்பாடலின் மூன்றாவது கவியாகும்.  அது கீழ்க்கண்டவாறு ஆங்கிலத்தில் அழகாக அமைந்துள்ளது:

‘Perverse and foolish oft I strayed,

But yet in love He sought me,

And on His shoulder gently laid

And home, rejoicing, brought me’.

Unison

Soprano

Alto

Alto with Soprano

Tenor

Tenor with Soprano

Bass

Bass with Soprano

Descant

Descant with Unison

1.    என் மேய்ப்பர் இயேசு கிறிஸ்துதான்,

நான் தாழ்ச்சியடையேனே;

ஆட்கொண்டோர் சொந்தமான நான்

குறையடைகிலேனே.

2.    ஜீவாற்றில் ஓடும் தண்ணீரால்

என் ஆத்மத் தாகம் தீர்ப்பார்;

மெய் மன்னாவாம் தம் வார்த்தையால்

நல் மேய்ச்சல் எனக்கீவார்.

3.    நான் பாதை விட்டு ஓடுங்கால்

அன்பாகத் தேடிப் பார்ப்பார்;

தோள்மீதில் ஏற்றிக் காப்பதால்

மகா சந்தோஷங்கொள்வார்.

4.    சா நிழல் பள்ளத்தாக்கிலே

நான் போக நேரிட்டாலும்,

உன் அன்பின் கோலைப் பற்றவே,

அதே என் வழி காட்டும்.

5.    இவ்வேழைக்கும் ஓர் பந்தியை

பகைஞர்க்கெதிர் வைத்தீர்;

உம்மாவியால் என் சிரசை

தைலாபிஷேகம் செய்வீர்.

6.    என் ஆயுள் எல்லாம் என் பாத்திரம்

நிரம்பி வழிந்தோடும்;

ஜீவாற்றின் நீரால் என்னுள்ளம்

நிறைந்து பொங்கிப் பாயும்.

7.    என் ஜீவ காலம் முற்றிலும்

கடாட்சம் பெற்று வாழ்வேன்;

கர்த்தாவின் வீட்டில் என்றைக்கும்

நான் தங்கிப் பூரிப்பாவேன்.

Post Comment

பாமாலை 261 - எல்லாருக்கும் மா (Miles Lane)

பாமாலை 261 – எல்லாருக்கும் மா உன்னதர்

(All hail the power of Jesus name)

‘ராஜாதி ராஜா, கர்த்தாதி கர்த்தா’ என்னும் நாமம் ….. எழுதப்பட்டிருந்தது. வெளி 19:19

இயேசுவின் ‘மகுடாபிஷேகக் கீதம்’ (Coronation Hymn) என்றழைக்கப்படும் இப்பாடல் எழுதப்படுவதற்குத் தூண்டுதலாயிருந்தது, லண்டன் மாநகருக்கு இருபது மைல்களுக்குத் தெற்கில் சுண்ணாம்புப் பாறைகளின் உச்சியில் எழுப்பப்பட்டிருந்த ஒரு பிரமாண்டமான சிலுவையாகும்.  இப்பாறைகள் ஷோர்ஹம் என்னும் ஒரு குக்கிராமத்தில் இருந்தன.  சிலுவைக்கடியில் ஒரு சிறிய ஆலயமுமிருந்தது.  இவ்வாலயத்தில் போதகராக வின்சென்ட் பெரோனே (Vincent Perronet) என்பவர் பல ஆண்டுகளாக உழைத்தார். 

அவரது புதல்வரான எட்வர்ட் பெரோனே (Edward Perronet) சிறுவனாக இருக்கும்போது ஆலயத்தின் முன்நின்று சிலுவையைக் கண்ணுற்று, இயேசுவின் தியாகத்தை உணர்ந்தார்.  இவ்வுணர்ச்சி அவர் ஆயுள் முழுவதும் அவரைத் தன் ஊழியத்தில் ஊக்குவித்ததென அவரே கூறியுள்ளார்.  பல ஆண்டுகளுக்குப் பின் அவர் போதகராயிருக்கும்போது ஆங்கிலக் கவிகள் எழுதலானார்.  அப்போது அவர் இயேசுவின் நாமத்தை மகிமைப்படுத்தி எழுதிய ஒரு கவியே, ’எல்லாருக்கும் மா உன்னதர்’ என்னும் பாடலாகத் திகழ்கின்றது.

இப்பாடலை எழுதிய எட்வர்ட் பெரோனே 1726ம் ஆண்டு இங்கிலாந்தில் கென்ட் மாகாணத்தில் பிறந்தார். அவரது தந்தை, ‘மெதடிஸ்டு சபையின் பிரதம அத்தியட்சர்’ என வேடிக்கையாக அழைக்கப்பட்டார். ஏனெனில் மெதடிஸ்டு சபையை ஏற்படுத்திய வெஸ்லி சகோதரருக்கு அவர் மிகுந்த ஆதரவளித்துவந்தார். பெரோனே 1749ம்ல் ஜான் வெஸ்லியுடன் சுற்றுப்பயணம் ஆரம்பித்து, எட்டு ஆண்டுகள் சுற்றுப் பிரசங்கியாக உழைத்தார்.  பின்னர், ஆங்கிலத் திருச்சபையைத் தாக்கி உபந்நியாசங்கள் செய்ததாலும், அதைத் தாக்கி ஒரு புத்தகம் எழுதியதாலும், வெஸ்லி சகோதரர்களுடன் அவருக்கிருந்த நட்பு 1771ல் அற்றுப்போயிற்று. அதன்பின், ஹண்டிங்டன் சீமாட்டி (The Countess of Huntingdon) அவரைத் தன் வீட்டுக் குருவாக (Chaplain) வைத்துக்கொண்டார்.  ஆனால் அவர் திரும்பவும் ஆங்கிலச் சபையைத் தாக்கிக்கொண்டேயிருந்ததால், சீமாட்டியின் ஆதரவும் அவருக்கு இல்லாமல் போயிற்று  ஆதலால் அவர் பல சபைகளில் மாறி மாறி ஊழியம் செய்து, இறுதியில் கந்தர்புரியிலுள்ள (Canterbury) ஒரு சபை ஆளுகைச் சபையில் (Congregational Church) போதகராக அமர்ந்தார்.

எட்வர்ட் பெரோனே ஒரு சிறந்த கவிஞர்.  அவர் ஆங்கிலக் கவிகளடங்கிய மூன்று புத்தகங்கள் எழுதியுள்ளார். இதிலுள்ள ஒரு கவியே ‘எல்லாருக்கும் மா உன்னதர்’ என்னும் பாடலாகும். இது முதல் முதலாக 1779ல் ‘Gospel Magazine’ என்னும் சுவிசேஷப் பத்திரிக்கையில், ‘Miles Lane’ என்னும் ராகத்துடன் வெளியிடப்பட்டது.  இந்த ராகத்தையே நாம் தற்போது இப்பாடலுக்கு உபயோகிக்கிறோம்.  இந்த ராகத்திற்கு இரட்சணியசேனையார் ஓர் அழகிய பல்லவியையும் சேர்த்துப் பாடுகின்றனர்.  இப்பாடலுக்கு, ‘Diadem’, ‘Coronation’ என்னும் வேறு இரு ராகங்களும் உண்டு.

எட்வர்ட் பெரோனே 1792ம் ஆண்டு, ஜனவரி மாதம் 2ம் தேதி, தமது 66வது வயதில் காலமானார்.  அவர் ஆங்கிலத் திருச்சபையைப் பலமாகத் தாக்கியிருந்தபோதிலும், கந்தர்புரி பேராலயத்தில் அடக்கம் செய்யப்பட்டார். 

Unison

Soprano

Alto

Alto with Soprano

Tenor

Tenor with Soprano

Bass

Bass with Soprano

1.  எல்லாருக்கும் மா உன்னதர்

கர்த்தாதி கர்த்தரே

மெய்யான தெய்வ மனிதர்

நீர் வாழ்க, இயேசுவே.

2.  விண்ணில் பிரதானியான நீர்

பகைஞர்க்காகவே

மண்ணில் இறங்கி மரித்தீர்

நீர் வாழ்க, இயேசுவே.

3.  பிசாசு, பாவம் உலகை

உம் சாவால் மிதித்தே

ஜெயித்தடைந்தீர் வெற்றியை

நீர் வாழ்க, இயேசுவே.

4.  நீர் வென்றபடி நாங்களும்

வென்றேறிப் போகவே

பரத்தில் செங்கோல் செலுத்தும்

நீர் வாழ்க, இயேசுவே.

5.  விண்ணோர்களோடு மண்ணுள்ளோர்

என்றைக்கும் வாழவே

பரம வாசல் திறந்தோர்

நீர் வாழ்க, இயேசுவே.

Post Comment

பாமாலை 268 - மகா அருளின் ஜோதியை (Frankfort)

பாமாலை 268 - மகா அருளின் ஜோதியை 
Tune : Frankfort

SATB

Soprano

Alto

Alto with Soprano

Tenor

Tenor with Soprano

Bass

Bass with Soprano

1.    மகா அருளின் ஜோதியை

வீசிடும் வெள்ளி எத்தனை

பிரகாசமாய் விளங்கும்

தாவீதின் மைந்தன் இயேசுவே

நீரே என் மணவாளனே

என் பொக்கிஷம் என் பங்கும்

முற்றும் சுற்றும்

தயவாலும் உண்மையாலும்

நீர் நிறைந்தோர்

மேன்மை நாமமும் அடைந்தோர்.

2.    சிநேகமுள்ள பார்வையால்

அடியேனை நீர் நோக்கினால்

பரம் வெளிச்சம் காட்டும்

நீர் சொல்லும் இன்ப சொற்களும்

தரும் சரீரம் ரத்தமும்

என் ஆத்துமத்தை ஆற்றும்

தேற, சேர

கிட்டும் என்னை நற்றிடனைத்

தந்தே தேற்றும்

அன்புமாய் அரவணையும்.

3.    பிதாவே நீர் அநாதியில்

என் பேரிலே குமாரனில்

சிநேகம் வைத்த கர்த்தா;

குமாரன் என்னைத் தமக்கே

மனைவி என்றன்புடனே

தெரிந்து கொண்ட பர்த்தா

மெத்த கெட்ட

பாவியான என்னைவான

கர்த்தர்தாமே

நோக்கினதிரக்கமாமே.

4.    கிண்ணரம், யாழும் வீணையும்

சங்கீத வாத்தியங்களும்

களிப்பாய்த் தொனிக்கட்டும்

அன்புள்ள இயேசுவுடனே

நான் என்றென்றைக்கும் வாழ்வதே

என் ஆவியை எழுப்பும்

ஆடி, பாடி,

கிறிஸ்துதாமே நேசராமே

என்று ஓதும்

சந்தம் இன்பமே எப்போதும்.

5.    மகிழ்வேன் என் சிநேகிதர்

அல்பா ஒமேகா என்பவர்,

என் நேசர் ஆதியந்தம்

இனி மோட்சானந்தத்திலே

நான் அவரண்டை சேர்வேனே

என் பாக்கியம் அநந்தம்

ஆமேன், ஆமேன்,

வா, ரட்சிப்போ, வா கெலிப்போ

உனக்காக

வாஞ்சிப்பேன் நான் சேர்வாயாக.

 

Post Comment

பாமாலை 264 - நல் மீட்பர் இயேசு (St. Peter)

பாமாலை 264 – நல் மீட்பர் இயேசு நாமமே
(How sweet the name of Jesus sounds)

’எல்லா நாமத்திற்கும் மேலான நாமத்தை அவருக்குத் தந்தருளினார்’ பிலி 2:11

‘கர்த்தருடைய தூதன் … அவள் ஒரு குமாரனைப் பெறுவாள், அவருக்கு இயேசு என்று பேரிடுவாயாக; ஏனெனில் அவர் தமது ஜனங்களின் பாவங்களை நீக்கி அவர்களை இரட்சிப்பார் என்றான்’ (மத் 1:20,21). ‘இயேசு’ என்னும் பதத்திற்கு ‘இரட்சகர்’ என்பது பொருள்.  நாம் இயேசுவின் இனிய நாமத்தைக் குறித்த அநேக பாடல்களைப் பாடுகின்றோம். ‘தேன் இனிமையிலும் இயேசுவின் நாமம்’, ‘இயேசுவின் நாமமே திருநாமம்’, ‘இயேசுவின் இன்ப நாமத்தை எல்லோரும் போற்றுங்கள்’, முதலிய பாடல்கள் இதற்கு உதாரணங்களாகும்.  இரட்சகர் முதலில் பூலோகத்தில் தோன்றியவுடன், தேவதூதன் ’அவருடைய நாமம், இயேசு என்னப்படும். ஏனெனில் அவர் தமது ஜனங்களைத் தங்கள் பாவங்களிலிருந்து இரட்சிப்பார்’ என்று அறிவித்தான்.  இயேசுவைத் தங்கள் சொந்த இரட்சகராக ஏற்றுக்கொண்டவர்கள் மட்டுமே அவரது இனிய நாமத்தை ருசிக்க முடியும். 

இப்பாடலை எழுதியவர், வாழ்க்கையில் பலவிதமான நிலைமைகளை அனுபவித்து, இறுதியில் இயேசுவைத் தனது சொந்த இரட்சகராக ஏற்றுக்கொண்டு அவர் நாமத்தின் இனிமையை ருசித்த ஒரு பக்தன்.

John Newton

இதை எழுதிய ஜான் நியூட்டன் போதகர் (John Newton) 1725ம் ஆண்டு, ஜூலை மாதம், 24ம் தேதி, லண்டன் மாநகரில் பிறந்தார்.  இவரது தாயார் கடவுள் பக்தி மிகுந்தவர்.  மகனை ஜெபத்தோடு பக்தி நெறியில் வளர்த்தார்.  ஆனால் அவர் ஏழு வயதாயிருக்கையில் தாயார் இறந்து போனார்கள்.  ஆயினும் தன் வாழ்க்கை முழுவதும் தன் தாயாரின் ஜெப வாழ்க்கையை அவர் மறந்து போகவில்லை.  அவரது தந்தை கப்பற்படையில் பணியாற்றி வந்ததால் பதினோரு வயதிலேயே மகனும் கப்பலில் கடைநிலை ஊழியனாக வேலையிலமர்த்தப்பட்டார்.  பின்பு, நடுநிலைக் கப்பலோட்டிப் பதவிக்கு உயர்த்தப்பட்டார்.  ஆனால், கீழ்ப்படியாமைக்காக வேலையிலிருந்து நீக்கப்பட்டு, அடிமை வியாபாரம் செய்த ஒருவரது கப்பலில் வேலையிலமர்ந்து, பின்னர் அடிமை வியாபாரமும் செய்து வந்தார்.  கப்பலில் பிரயாணம் செய்யும்போது, தற்செயலாக ‘Imitation of Christ’ என்ற பக்தி நூல் கிடைக்கவே, அதைப் படித்துக் கடவுளைப் பற்றி சிந்திக்கலானார்.  1748ல் ஓரிரவு அவர் வேலை செய்த கப்பல் பெரும்புயலில் அகப்பட்டு, முழுகும் தருவாயிலிருந்தது.  ஜான் நியூட்டன் முழங்காலில் நின்று மிகுந்த ஊக்கத்துடன், ’ஆண்டவரே, எங்களுக்கு இரங்கும்’ என்று ஜெபித்தார்.  சேதமின்றி கப்பல் கரை சேர்ந்தது.  அப்போதுதான் கடவுளின் வல்லமையையும் அன்பையும் உணர்ந்து, இளவயதில் அவரது தாயார் அவரை பக்தி நெறியில் வளர்த்ததையும், தமக்காக அவர்கள் முழங்காலில் நின்று ஜெபித்ததையும் சிந்திக்கலானார்.  தம்முடைய பாவங்களை அறிக்கையிட்டு ஆண்டவரின் மன்னிப்பைப் பெற்று, அதுமுதல் உண்மையான கிறிஸ்தவ வாழ்க்கை நடத்த ஆரம்பித்தார்.

அடிமை வியாபாரம் கிறிஸ்தவக் கொள்கைக்கு மாறானது என அவர் உணர்ந்து, கப்பல் வேலையை விட்டு, லிவர்பூல் நகரில் தமது மனைவியுடன் இல்லற வாழ்க்கை நடத்த ஆரம்பித்தார்.  பின்பு, கிரேக்க, லத்தீன், எபிரேய மொழிகளைக் கற்று, வேத சாஸ்திரமும் படித்து, 1764ம் ஆண்டு ஆயர் பட்டமும் பெற்று, தமது முப்பத்தொன்பதாம் வயதில் ஓல்னி என்னுமிடத்தில் ஒரு சபையில் குருவாகப் பணியாற்றலானார்.  இங்கு பணியாற்றும்போது, பிரபல எழுத்தாளரான வில்லியம் கூப்பர் (William Cowper) என்பவரோடு நட்பு கொண்டு, இருவரும் சேர்ந்து பாடல்கள் எழுத ஆரம்பித்தனர்.  அவர்கள் எழுதிய பாடல்களை, ‘ஓல்னி பாடல்கள்’ (Olney Hymns) என்னும் பெயருடன் புத்தக வடிவில் வெளியிட்டனர்.  இதிலுள்ள பாடல்களில் நியூட்டன் போதகர் இருநூற்று எண்பத்து மூன்று பாடல்கள் எழுதியுள்ளார். ‘நல் மீட்பர் இயேசு நாமமே’ என்னும் பாடல் இப்புத்தகத்துக்காக 1779ல் எழுதப்பட்டது.  இப்பாடலில் அவர் ஆண்டவரின் அன்பை உணர்ந்து, அவர் நாமத்தின் மகத்துவத்தை வர்ணிக்கிறார்.

அவர் ஒரு சிறந்த பக்திமானாயிருந்தபோதிலும், சில சமயங்களில் குறுகிய மனப்பான்மையுள்ளவராகக் காணப்பட்டார்.  உலகப் பிரசித்திபெற்ற ‘Handel’s Messiah’ என்னும் சங்கீதக் கோர்வையை (Oratorio) எதிர்த்து, அநேக பிரசங்கங்கள் லண்டன் மாநகரில் செய்தார்.  ஏனெனில், இச்சங்கீதம் ஒரு கலா நிகழ்ச்சி (entertainment) என்றும், இதற்கு வேதவசனங்களை அடிப்படையாகக் கொண்டது தவறு என்றும் அவர் அபிப்பிராயப்பட்டார்.  அவர் எழுதிய இதர பாடல்கள் தமிழில் மொழிபெயர்க்கப்படவில்லை.

நியூட்டன் போதகர் 1807ம் ஆண்டு, டிசம்பர் மாதம் 21ம் தேதி, தமது 82ம் வயதில் காலமானார்.  மரணத்துக்குச் சற்று நேரத்துக்கு முன் அவரைப் பார்க்கச் சென்ற நண்பர் ஒருவரிடம் அவர் கூறியது, ‘என் ஞாபக சக்தியை அநேகமாக இழந்துவிட்டேன்; ஆனால் இரண்டு காரியங்கள் மட்டும் எனக்கு ஞாபகமிருக்கின்றன; ஒன்று, நான் பாவி, இரண்டாவது, கிறிஸ்து என் இரட்சகர்’.

Unison

Soprano

Alto

Alto with Soprano

Tenor

Tenor with Soprano

Bass

Bass with Soprano

1.            நல் மீட்பர் இயேசு நாமமே

என் காதுக்கின்பமாம்

புண்பட்ட நெஞ்சை ஆற்றவே

ஊற்றுண்ட தைலமாம்.

2.    அந்நாமம் நைந்த ஆவியை

நன்றாகத் தேற்றுமே;

துக்கத்தால் தொய்ந்த உள்ளத்தை

திடப்படுத்துமே.

3.    பசித்த ஆத்துமாவுக்கு

மன்னாவைப் போலாகும்!

இளைத்துப் போன ஆவிக்கு

ஆரோக்கியம் தந்திடும்.

4.    என் ரட்சகா, என் கேடகம்,

என் கோட்டையும் நீரே!

நிறைந்த அருள் பொக்கிஷம்,

அனைத்தும் நீர்தாமே.

5.    மா நேசர், மேய்ப்பர், பர்த்தாவும்,

என் ஜீவனும் நீரே;

என் தீர்க்கரும், என் ராஜாவும்

ஆசாரியருமே.

6.    என் நெஞ்சின் ஊக்கம் அற்பந்தான்,

என் அன்பில் குளிர்ந்தேன்!

உன் முகம் பார்க்கும்போதோ, நான்

சீராகப் போற்றுவேன்.

7.    இம்மையில் ஆயுள் முழுதும்

உம் அன்பைக் கூறுவேன்;

உம் நாமத்தால் என் சாவிலும்

நான் ஆறித் தேறுவேன்.

How sweet the Name of Jesus sounds

Post Comment