பாமாலை 357 - தெய்வ சமாதான (SS 652)

பாமாலை 357 - தெய்வ சமாதான
Like a river glorious

SATB

Soprano

Alto

Alto with Soprano

Tenor

Tenor with Soprano

Bass

Bass with Soprano

1. தெய்வ சமாதான
இன்ப நதியே
மா பிரவாகமான
வெள்ளம் போலவே
நிறைவாகப் பாயும்
ஓய்வில்லாமலும்
ஓட ஆழமாயும்
நித்தம் பெருகும்

அருள்நாதர் மீதில்
சார்ந்து சுகிப்பேன்
நித்தம் இளைப்பாறல்
பெற்று வாழுவேன்

2. கையின் நிழலாலே
என்னை மறைத்தார்
சத்துரு பயத்தாலே
கலங்க விடார்
சஞ்சலம் வராமல்
அங்கே காக்கிறார்
ஏங்கித் தியங்காமல்
தங்கச் செய்கிறார்

3. சூரிய ஜோதியாலே
நிழல் சாயையும்
காணப்பட்டாற் போலே
துன்பம் துக்கமும்
ஒப்பில்லா பேரன்பாம்
சூரிய சாயையே
அதால் வாழ்நாள் எல்லாம்
சோரமாட்டேனே

Post Comment

பாமாலை 313 - மா பெரிதாம் நின் (St.Raphael)

பாமாலை 313 - மா பெரிதாம் நின் 
Tune St. Raphael

SATB

Soprano

Alto

Alto with Soprano

Tenor

Tenor with Soprano

Bass

Bass with Soprano

1. மா பெரிதாம் நின் கிருபை

சாவரை மறவேனே;

மாதாவின் கர்ப்பத்திருந்தே

மா தயவாய் என்னையே

அழைத்தீரே,

மா தவம் நான் செய்தேனோ?

2. அந்தகாரத்தால் நிறைந்து

சொஸ்தமின்றி வாழ்ந்தேனே;

தந்து உம்மைச் சொந்தமாக

என்தனை நீர் மீட்டீரே;

நாதா உம்மை

என்றும் நான் துதிப்பேனே.

3. நான் நினைத்த பாதை வழி

தேன் கசியும் பக்கமே

செல்ல எத்தனித்தபோது,

அல்லவென்று தடுத்தே

ஆட்கொண்டீரே,

ஆண்டாண்டும்மைப் போற்றுவேன்.

4. ஊழியத்தை உண்மையுடன்

வாழ்நாளெல்லாம் செய்யவும்;

நீடும் கிருபை சூடியென்னை

வீடு சேரும்வரையும்

பலவீனம்

தாங்கி தயை செய்வீரே.

Post Comment

பாமாலை 262 - என் மேய்ப்பர் (Dominus Regit Me)

பாமாலை 262 – என் மேய்ப்பர் இயேசுகிறிஸ்துதான்

(The King of Love my Shepherd is)

‘கர்த்தர் என் மேய்ப்பராயிருக்கிறார்; நான் தாழ்ச்சியடையேன்’. சங்கீதம் 23: 1

கிறிஸ்தவ ஆலய ஆராதனைகளில் பதினைந்தாம் நூற்றாண்டு வரையிலும் திருமறையிலுள்ள சங்கீதங்களையே பாடல்களாகப் பாடிவந்தனர். இப்போதும் பல சபைகளில் சங்கீதங்கள் ராகத்துடன் பாடல்களாகவே பாடப்படுகின்றன.  அக்காலத்திலும் சில பக்தர்களால் சில பாடல்கள் எழுதப்பட்டிருந்தாலும் அவை வெகுவாக ஆலய ஆராதனைகளில் பாடப்படவில்லை.  பதினாறாம் நூற்றாண்டின் மத்தியில், பல சங்கீதங்கள் ஞானப்பாடல் ரூபத்தில் அமைக்கப்பட்டு (Metrical Psalms) அவற்றிற்கேற்ற ராகங்களுடன் பாடப்பட்டன.  இக்காலத்திலும், சங்கீதங்களை மாறி மாறி வாசிப்பதற்குப் பதிலாக, ஸ்காட்லாண்ட் சபை முதலிய பல சபைகளில் சங்கீதப் பாடல்களையே பாடிவருகின்றனர்.  பின்னர் 1542ம் ஆண்டு மார்ட்டின் லூதர் இப்பாடல்களைப் புத்தக வடிவில் வெளியிட்டார். சில ஆண்டுகளுக்குப்பின், 1562ல் ஜெனீவன் சங்கீதப்பாடல்கள் (Genevan Psalter) என்னும் பெயரால் ஒரு பாட்டுப் புத்தகம் வெளியிடப்பட்டது. இதிலுள்ள பாடல்களே கிறிஸ்தவ ஆலய ஆராதனைகளிலும் மற்றும் வழிபாடுகளிலும் பாடப்பட்டுவரும் பாடல்களின் ஆரம்பமாகும்.

தற்காலத்திலும் சங்கீதங்களையே அடிப்படையாகக் கொண்ட பல பாடல்கள் நமது பாட்டுப்புத்தகங்களிலுண்டு. இதற்கு உதாரணங்கள்:

v  பாமாலை 9 – பூலோகத்தாரே யாவரும் (சங்கீதம் 100)

v  பாமாலை 253 – கர்த்தாவே யுகயுகமாய் (சங்கீதம் 90)

v  பாமாலை 254 – களிப்புடன் கூடுவோம் (சங்கீதம் 136)

v  பாமாலை 212 – பகலோன் கதிர் போலுமே (சங்கீதம் 72)

v  பாமாலை 327 – வாழ்நாளில் யாது நேரிட்டும் (சங்கீதம் 34)

v  பாமாலை 375 – நீரோடையை மான் வாஞ்சித்து (சங்கீதம் 42)

‘என் மேய்ப்பர் இயேசுகிறிஸ்துதான்’ என்னும் இப்பாடல் 23ம் சங்கீதத்தைத் தழுவி எழுதப்பட்டது.

Sir Henry Williams Baker

ஆங்கிலத் திருச்சபைகளில் உபயோகப்பட்டுவரும், ‘Hymns Ancient and Modern’ என்னும் பாட்டுப்புத்தகம் தொகுக்கப்படும்போது, அதின் தொகுப்பாளராக, ஸர் ஹென்றி பேக்கர் (Sir Henry Williams Baker) நியமிக்கப்பட்டார்.  அவர் அப்புத்தகத்தில் பல சங்கீதப் பாடல்களைச் சேர்க்க விரும்பி, பல பாடல்களைச் சேகரித்தார்.  23ம் சங்கீதத்தைத் தழுவிய சில பாடல்களும் கிடைத்தன.  ஆனால் அவை ஒன்றும் அவருக்குத் திருப்தியளிக்கவில்லை.  ஆகவே இச்சங்கீதத்தைத் தழுவிய பாடல் ஒன்றைத் தாமே எழுதத் தீர்மானித்து, ‘என் மேய்ப்பர் இயேசுகிறிஸ்துதான்’ என்ற பாடலை 1859ல் ஆங்கிலத்தில் எழுதினார்.  அவரால் எழுதப்பட்ட ஏராளமான பாடல்களில், இப்பாடலே மிகச் சிறந்ததாகப் போற்றப்படுகிறது.

ஸர் வில்லியம் ஹென்றி பேக்கர் 1821ம் ஆண்டு லண்டன் மாநகரில் பிறந்தார்.  அவரது தந்தை ஆங்கிலக் கப்பற்படையில் தளபதியாக (Admiral) பணியாற்றியவர்.  ஹென்றி பேக்கர் கேம்பிரிட்ஜ் பல்கலைக்கழகத்தில் திரித்துவக் கல்லூரியில் பயின்று, 1844ல் பி.ஏ. பட்டமும், 1847ல் எம்.ஏ. பட்டமும் பெற்றார்.  1846ல் அவர் குரு அபிஷேகமும் பெற்று, தமது திருப்பணியை ஆரம்பித்தார்.  1851ம் ஆண்டு ஹெரிபோர்ட்ஷயர் மாகாணத்தில் மங்க்லண்ட் நகரின் பிரதம குருவாக நியமனம் பெற்றார்.  இச்சபையில் அவர் இருபத்தாறு ஆண்டுகள் பணியாற்றி, தன் வாழ்க்கையின் மிகுதியான பாகத்தை பாடல்கள் எழுதுவதிலும், பாட்டுப் புத்தகங்கள் இயற்றுவதிலும் செலவிட்டார்.  கிறிஸ்தவ உலகத்திற்கு அவர் செய்த அரிய சேவை, அவர் இயற்றிய, ‘Hymns Ancient and Modern’ என்னும் பாட்டுப்புத்தகமாகும்.  இதில் அவரே எழுதிய 37 பாடல்கள் உண்டு.  அவர் எழுதிய இதர பாடல்களில் தமிழில் மொழிபெயர்க்கப்பட்டவை:

v  பாமாலை 177 – நாதன் வேதம் என்றும்

v  பாமாலை 221 – கர்த்தா நீர் வசிக்கும்

v  பாமாலை 407 – விண்வாசஸ்தலமாம் பேரின்ப வீடுண்டே

ஸர் ஹென்றி பேக்கர், 1877ம் ஆண்டு, தமது 56ம் வயதில் காலமானார்.  தமது மரணப் படுக்கையில் அவர் கடைசியாகப் பேசிய வார்த்தைகள் இப்பாடலின் மூன்றாவது கவியாகும்.  அது கீழ்க்கண்டவாறு ஆங்கிலத்தில் அழகாக அமைந்துள்ளது:

‘Perverse and foolish oft I strayed,

But yet in love He sought me,

And on His shoulder gently laid

And home, rejoicing, brought me’.

Unison

Soprano

Alto

Alto with Soprano

Tenor

Tenor with Soprano

Bass

Bass with Soprano

Descant

Descant with Unison

1.    என் மேய்ப்பர் இயேசு கிறிஸ்துதான்,

நான் தாழ்ச்சியடையேனே;

ஆட்கொண்டோர் சொந்தமான நான்

குறையடைகிலேனே.

2.    ஜீவாற்றில் ஓடும் தண்ணீரால்

என் ஆத்மத் தாகம் தீர்ப்பார்;

மெய் மன்னாவாம் தம் வார்த்தையால்

நல் மேய்ச்சல் எனக்கீவார்.

3.    நான் பாதை விட்டு ஓடுங்கால்

அன்பாகத் தேடிப் பார்ப்பார்;

தோள்மீதில் ஏற்றிக் காப்பதால்

மகா சந்தோஷங்கொள்வார்.

4.    சா நிழல் பள்ளத்தாக்கிலே

நான் போக நேரிட்டாலும்,

உன் அன்பின் கோலைப் பற்றவே,

அதே என் வழி காட்டும்.

5.    இவ்வேழைக்கும் ஓர் பந்தியை

பகைஞர்க்கெதிர் வைத்தீர்;

உம்மாவியால் என் சிரசை

தைலாபிஷேகம் செய்வீர்.

6.    என் ஆயுள் எல்லாம் என் பாத்திரம்

நிரம்பி வழிந்தோடும்;

ஜீவாற்றின் நீரால் என்னுள்ளம்

நிறைந்து பொங்கிப் பாயும்.

7.    என் ஜீவ காலம் முற்றிலும்

கடாட்சம் பெற்று வாழ்வேன்;

கர்த்தாவின் வீட்டில் என்றைக்கும்

நான் தங்கிப் பூரிப்பாவேன்.

Post Comment

பாமாலை 277 – மா தூய ஆவி!

பாமாலை 277 – மா தூய ஆவி! இறங்கும்

(Come Holy Ghost, our souls inspire)

இந்தப் பாடலின் வயது 1000 என்று சொன்னால் நம்ப முடிகிறதா? ஆம்! நம் பாமாலைப் புத்தகத்தில் இடம்பெற்றிருக்கும் மிகத் தொன்மையான பாடல்களுள் ‘மா தூய ஆவி! இறங்கும்’ பாடல் சிறப்பான ஒன்றாகும். தற்போது உள்ள வடிவில் கடந்த 350 ஆண்டுகளாக மட்டுமே இப்பாடல் பாடப்பட்டுவந்தாலும் இதன் தோற்றம் ஆயிரம் ஆண்டுகளுக்கு முன்னதாகும் என்று பாடல் ஆய்வாளர் Ian Bradley தனது ‘Book of Hymns’ல் குறிப்பிடுகிறார்.

Rabanus Maurus (left) presents his work to Otgar of Mainz. Illustration from a Fulda manuscript, c. 830–840.
(Pic Credits - Wikipedia)

இப்பாமாலையின் மூல வடிவம் 9ம் நூற்றாண்டில் பாடப்பட்டுவந்த ‘Veni, creator spiritus’ என்ற லத்தீன் மொழி பாடலாகும்.  இப்பாடலை எழுதியவர் யார் என்பது குறித்த தகவல்களை வரலாற்று ஆய்வாளர்கள், Emperor Charles the Fat, Gregory the Great, St Ambrose என்று நிறைய பெயர்களை முன்வைக்கின்றபோதும், Rhabanus Maurus (c. 780 – 4 February 856) (Archbishop of Mainz in East Francia) என்ற போதகரே இதை எழுதியவர் என்று நிறைய ஆய்வுகள் தெரிவிக்கின்றன.

பத்தாம் நூற்றாண்டு முதலே இப்பாடல் பாடப்பட்டு வருவதற்கான ஆதாரங்களை நிறைய ஆய்வர்கள் தொடர்ந்து சுட்டிக்காட்டி வந்துள்ளனர்.  அந்நாட்களில், ஆலயமணிகள் முழங்க, மெழுகுவர்த்திகள் ஏற்றப்பட்டு, தூபவர்க்கத்துடன் பக்திசிரத்தையோடு ஒரு Ceremonial Hymnஆகப் பாடப்பட்டு வந்துள்ளது இப்பாடல்.

Rabanus (c. 780 – 4 February 856) கிழக்கு Francia’வில் Archbishop’ஆக ஊழியம் செய்து வந்தார். வேத ஆராய்ச்சி மட்டுமல்லாது, கவிதை எழுதுதல், Encyclopaedia உருவாக்கத்தில் தன்னை ஈடுபடுத்திக்கொள்ளல், கல்வி, இலக்கணம், என்று பன்முகத்திறமை கொண்டவராக அறியப்படுகிறார். அவருடைய சரியான பிறந்த தேதி தெரியாவிட்டாலும் 801ம் ஆண்டு Benedictine Abbey of Fuldaவில் Deacon’ஆக அபிஷேகம் செய்யப்பட்டதற்கான குறிப்புகள் இருக்கின்றன.  803ம் ஆண்டு Abbey பள்ளியின் முதல்வராகப் பொறுப்பேற்ற அவர் அநேக பாடல்கள் எழுதியிருந்தாலும், Veni Creator Spiritus என்ற ராகத்தில் அமையப்பெற்ற இந்தப் பாடலே மிகப்பிரபலமாக விளங்குகிறது

Rev. John Cosin (1594-1672)

பதினோராம் நூற்றாண்டில் ஆயர்கள் அபிஷேக ஆராதனைகள் (Ordination Services) பேராயர்கள் பிரதிஷ்டை (Consecration of Bishops) ஆகிய ஆராதனைகள்/நிகழ்வுகளில் பாடப்பட்டு வந்த இப்பாடல், இன்றும் உலகமெங்கும் உள்ள அநேக திருச்சபைகளில் இந்த ஆராதனைகளில் பாடப்படுகிறது. “Come Holy Ghost Our souls inspire” எனும் ஆங்கில மொழிபெயர்ப்பை இங்கிலாந்தில் வசித்து வந்த John Cosin (1594-1672) எனும் ஆயர் எழுதினார். 1627ம் ஆண்டு வெளியான ”Collection of Private Devotions in the Practice of the Ancient Church” எனும் புத்தகத்தில் இந்த ஆங்கில மொழிபெயர்ப்பு முதன்முதலில் வெளியிடப்பட்டது.  Cosin, ஆவியானவர் சபையின் மேல் இறங்கிவருவதைக் குறிக்கும் வண்ணமாக இந்தப் பாடலை தனது திருச்சபையில் காலைதோறும் பாடச்செய்தார்.  இப்பாடலின் நான்காவது சரணம் பாடப்பட்டபின்னர் Doxology என்றழைக்கப்படும் திரியேகத் துதி பாடப்படுகிறது.

பதிவு தகவல்கள் : The Daily Telegraph Book of Hymns by Ian Bradley & Wikipedia

SATB (சரணங்கள் 1 to 3)

Soprano (சரணங்கள் 1 to 3)

Alto (சரணங்கள் 1 to 3)

Alto with Soprano (சரணங்கள் 1 to 3)

Tenor (சரணங்கள் 1 to 3)

Tenor with Soprano (சரணங்கள் 1 to 3)

Bass (சரணங்கள் 1 to 3)

Bass with Soprano (சரணங்கள் 1 to 3)

*********************

SATB  (சரணம் 4)

Soprano  (சரணம் 4)

Alto  (சரணம் 4)

Alto with Soprano  (சரணம் 4)

Tenor  (சரணம் 4)

Tenor with Soprano  (சரணம் 4)

Bass  (சரணம் 4)

Bass with Soprano  (சரணம் 4)

1. மா தூய ஆவி! இறங்கும்,

விண் தீபம் நெஞ்சில் ஏற்றிடும்;

ஞானாபிஷேக தைலம் நீர்

நல் வரம் ஏழும் ஈகிறீர்.

2. மெய் ஜீவன், ஆறுதல், அன்பும்

உம் அபிஷேகம் தந்திடும்;

ஓயாத ஒளி வீசியே

உள்ளத்தின் மருள் நீக்குமே.

3. துக்கிக்கும் நெஞ்சைத் தேற்றவே

ஏராள அருள் பெய்யுமே;

மாற்றார் வராமல் காத்திடும்

சீர் வாழ்வு சுகம் ஈந்திடும்.

4. பிதா, குமாரன், ஆவியும்

திரியேகர் என்று போதியும்;

யுகயுகங்களாகவே

உம் தாசர் பாடும் பாட்டிதே:

பிதா, சுதன், சுத்தாவி! உமக்கே

சதா நித்தியமும் ஸ்துத்தியமே!

ஆ மென்

Post Comment

பாமாலை 352 - அகோர காற்றடித்ததே

பாமாலை 352 - அகோர காற்றடித்ததே
(Fierce raged the Tempest)

SATB

Soprano

Alto

Alto with Soprano

Tenor

Tenor with Soprano

Bass

Bass with Soprano

1. அகோர காற்றடித்ததே,

ஆ! சீஷர் தத்தளித்தாரே;

நீரோ நல் நித்திரையிலே

அமர்ந்தீர்.

2. ”மடிந்தோம்! எம்மை ரட்சிப்பீர்!

எழும்பும்” என்க, தேவரீர்;

காற்றை அதட்டிப் பேசினீர்

”அமரு”.

3. அட்சணமே அடங்கிற்றே

காற்று கடல் - சிசு போலே;

அலைகள் கீழ்ப்படிந்ததே

உம் சித்தம்.

4. துக்க சாகர கோஷ்டத்தில்

ஓங்கு துயர் அடைகையில்

பேசுவீர் ஆற உள்ளத்தில்

அமரு.

Post Comment

பாமாலை 358 - மெய்ச் சமாதானமா (Pax Tecum)

பாமாலை 358 – மெய்ச் சமாதானமா துர் உலகில்?

(Peace perfect Peace)

‘நீர் அவனைப் பூரண சமாதானத்துடன் காத்துக்கொள்வீர்’. ஏசாயா 26:3

பெத்லகேமில் இயேசு பிறந்தபோது பரமசேனையின் திரள் தோன்றி, ‘பூமியிலே சமாதானம் உண்டாவதாக’ எனப்பாடினர்.  நமதாண்டவர் உயிரோடெழுந்தபின் சீஷருக்குத் தோன்றி ‘உங்களுக்கு சமாதானம்’ என்றார். வேதபுத்தகத்தில் எத்தனையோ இடங்களில், ‘சமாதானம்’ என்னும் பதம் சொல்லப்பட்டிருக்கிறது.  மலைப்பிரசங்கத்தில் ஆண்டவர், ‘சமாதானம் பண்ணுகிறவர்கள் பாக்கியவான்கள்’ என்று கூறினார். உலகம் உண்டானது முதல் மனிதன் சமாதானத்தைத் தேடிக்கொண்டேயிருக்கிறான்.  யுத்தங்களின் முடிவில் சமாதான உடன்படிக்கைகள் செய்யப்படுகின்றன.  முதல் உலகமகா யுத்தம் முடிந்தவுடன் ஒரு சமாதான உடன்படிக்கை கையெழுத்தானது.  ஆனால் இந்த உடன்படிக்கையே இரண்டாம் உலகமகா யுத்தத்துக்குக் காரணமாயிருந்தது.  ஆகவே, உண்மையான சமாதானம் இதுவரை உலகத்தில் காணப்படவேயில்லை. ‘மெய்சமாதானமா துர் உலகில்’? என்னும் பாடலில், இயேசுவின் மூலமாகவே நாம் மெய்சமாதானம் அடைய முடியும் எனக்காண்கிறோம்.

Edward Henry Bickersteth, Jr.
(Pic Thanks : Cyberhymnal)

1875ம் ஆண்டு, ஆகஸ்ட் மாதம், ஹாம்ஸ்டெட் நகரிலுள்ள கிறிஸ்து ஆலயத்தின் போதகரான பிக்கர்ஸ்டெத் (Edward Henry Bickersteth, Jr.) என்பவர், ஹாரோகேட் (Harrogate, England) நகரில் தம் குடும்பத்தோடு ஒரு நண்பர் வீட்டில் தங்கியிருந்தார்.  ஓய்வுநாளில் ஆலய ஆராதனைக்குச் சென்றார். அவ்வாராதனையில் கிப்பன் என்னும் பிரதமகுரு (Canon Gibbon) ‘நீர் அவனைப் பூரண சமாதானத்துடன் காத்துக்கொள்வீர்’ ஏசா : 26:3 என்னும் வசனத்தில் பிரசங்கம் செய்தார். அதில், மூலமொழியான எபிரேய மொழியில் ‘சமாதானம் சமாதானம்’ என இருமுறை எழுதப்பட்டிருப்பதும், ஆங்கிலத்தில் ‘பூரணசமாதானம்’ என்னும் பொருள் கொண்ட ‘Perfect Peace’ என மொழிபெயர்க்கப்பட்டிருப்பதையும் விளக்கினார்.  இதை சிந்தித்துக்கொண்டே போதகர் வீடு வந்து சேர்ந்தார். அன்று மாலையில், மரணப்படுக்கையிலிருந்த தன் இனத்தவரான ஹில் போதகரைப் பார்க்கச் சென்றார். நோயாளி மனசமாதானமின்றி கலக்கமடைந்தவராக காணப்பட்டதால் அருகிலிருந்த ஒரு காகிதத்தை எடுத்து, ‘மெய்சமாதானம் உலகில்” என்னும் பாடலை உடனே எழுதி, நோயாளிக்குப் படித்துக் காண்பிக்கவே, அவர் மிகுந்த ஆறுதல் பெற்றார். பின்பு வீட்டுக்குச் சென்று, மாலை உணவுக்கு அமர்ந்தார்.  ஓய்வுநாள் மாலை உணவின்போதும் அவர் வீட்டிலுள்ள ஒவ்வொருவரையும் ஒரு பாடல் மனப்பாடமாக ஒப்பிக்கச் செய்து, தானும் ஒரு பாடலை ஒப்பிப்பது வழக்கம். அன்று அவர், தான் புதிதாக எழுதிய ‘மெய்சமாதானமா துர் உலகில்?’ என்னும் பாடலையும் படித்துக்காட்டினார். சில தினங்களுக்குப்பின் அவரது சகோதரி, இப்பாடலில் சரீர வேதனையை குறித்த வரிகள் இல்லையே என சுட்டிக்காட்டினார். உடனே போதகர் அங்கு கிடந்த ஒரு காகிதக்கூட்டின் பின்புறம் அதைக்குறித்த ஒரு கவியை எழுதிக்காட்டினார். அது அப்பாடலுக்கு எட்டாவது கவியாகும்.  ஆனால் ஏதோ காரணத்தால் இப்பாடலில் அது சேர்க்கப்படவில்லை.  இப்பாடலின் ஒவ்வொரு கவியிலும் முதல் வரி ஒரு கேள்வியாகவும், இரண்டாம் வரி அதின் பதிலாகவும் அமைந்திருப்பதால் அதின் ராகமும் அதற்கேற்றதாகவே அமைந்திருக்க வேண்டுமெனப் போதகர் விரும்பினார். ஆனால் அத்தகைய ராகம் அமைக்கப்படவில்லை.

இப்பாடலை எழுதிய எட்வர்ட் ஹென்றி பிக்கர்ஸ்டெத் 1825ம் ஆண்டு, ஜனவரி மாதம் 25ம் தேதி லண்டன் மாநகரில் பிறந்தார். அவரது முன்னோர்கள் பல்வேறு துறைகளில் புகழ் பெற்றவர்கள். அவர் கேம்ப்ரிட்ஜ் பல்கலைக்கழகத்தில் திரித்துவக்கல்லூரியில் பயின்று, பி.ஏ., எம்.ஏ., பட்டங்களைப் பெற்றார். 1848ம் ஆண்உ குருத்துவ அபிஷேகம் பெற்று, பானிங்ஹம், நார்டோக், டன்ப்ரிட்ஜ்வெல்ஸ் முதலிய இடங்களில் உதவிக்குருவாக ஊழியம் செய்தார்.  பின்னர், ஹின்டன் மார்ட்டல், ஹாம்ஸ்டெட், கிளஸ்டர் என்னுமிடங்களில் தலைமைக்குருவாகப் (Vicar) பணியாற்றினார்.  1885 முதல் 1900 வரை எக்ஸிட்டர் மாகாணத்தின் அத்தியட்சராக ஊழியம் செய்து ஓய்வு பெற்றார்.  அவரது குருத்துவ வாழ்க்கையில் அவர், பிரசங்கங்கள், பாடல்கள், கிறிஸ்தவ செய்யுள்கள் அடங்கிய பன்னிரண்டு நூல்கள் எழுதியுள்ளார்.

அவர் 1906ம் ஆண்டு, மே மாதம், 16ம் தேதி தமது 81ம் வயதில் லண்டன் மாநகரில் காலமானார்.

SATB

Soprano

Alto

Alto with Soprano

Tenor

Tenor with Soprano

Bass

Bass with Soprano

1.            மெய்ச் சமாதானமா துர் உலகில்?

ஆம், இயேசு ரத்தம் பாயும் நெஞ்சினில்

2.    மெய்ச் சமாதானமா பல் தொல்லையில்?

ஆம், இயேசு சித்தத்தை நாம் செய்கையில்.

3.    மெய்ச் சமாதானமா சூழ் துக்கத்தில்?

ஆம், இயேசு சீர் அமர்ந்த நெஞ்சத்தில்.

4.    மெய்ச் சமாதானமா உற்றார் நீங்கில்?

ஆம், இயேசு கரம் நம்மைக் காக்கையில்.

5.    மெய்ச் சமாதானமா சிற்றறிவில்?

ஆம், இயேசு ராஜன் என்று அறிகில்.

6.    மெய்ச் சமாதானமா சா நிழலில்?

ஆம், இயேசு சாவை வென்றிருக்கையில்.

7.    பூலோக துன்பம் ஒழிந்த பின்னர்.

இயேசு மெய்ச் சமாதானம் அருள்வர்.

Post Comment

பாமாலை 359 - அன்பே விடாமல் சேர்த்து

பாமாலை 359 – அன்பே விடாமல் சேர்த்துக் கொண்டீர்

(O Love that will not let me go)

‘அவர் என்னைக் கொன்றுபோட்டாலும்,  அவர்மேல் நம்பிக்கையாயிருப்பேன்’. யோபு 13 : 15

பக்தன் யோபுவின் சரித்திரம் நமக்குப் புதிதானதல்ல. அவன் தன் வாழ்க்கையில் எத்தனையோ விதமான இன்னல்களை அனுபவிக்க நேர்ந்தது. சாத்தான் அவனைப் பலவிதமான சோதனைகளுக்குட்படுத்தி, அவனுடைய விசுவாசத்தைப் பரீட்சை பார்த்தான்.  யோபுவின் வாழ்க்கையில் அவனுக்கு சந்தோஷத்தை உண்டாக்கின எல்லாவற்றையும் அவன் இழக்க நேரிட்டது.  அவனுடைய மனைவியும் சிநேகிதரும் அவனை கடவுளுடைய பாதையிலிருந்து விலகத்தூண்டினர்.  ஆயினும் யோபு மறுமொழியாகச் சொன்னது, ‘அவர் என்னைக் கொன்று போட்டாலும் அவர்மேல் நம்பிக்கையாயிருப்பேன்’.  நமது வாழ்விலும், சந்தோஷம் காலங்களிலும் கடவுளிடம் அன்பும், நம்பிக்கையும் கொள்வது சிரமமல்ல.  ஆனால் இன்னல்களும் இடுக்கண்களும் நம்மை நெருக்கும்போது, ஆண்டவரின் அன்பை மறந்துவிடாமல், அவரும் நம்மோடு அனுதாபப்படுகிறார் என்பதை ஞாபகப்படுத்திக்கொள்வோமாக.

George Matheson
Pic Thanks : Wiki

இப்பாடலை எழுதிய ஜார்ஜ் மாத்தீசன் (George Matheson) என்பவர் குருடனாயிருந்து, பல மன வேதனைகளை அனுபவித்துக்கொண்டிருக்கும்போது இதை எழுதினார்.  அவர் ஒரு பெண்ணைக் காதலித்து, மணநாள் நெருங்கும்போது அவர் கண்பார்வையை இழந்ததால் அப்பெண் அவரை மணந்துகொள்ள மறுத்துவிட்டதாகவும், அதனால் ஏற்பட்ட மனவேதனையால் அவர் இப்பாடலை எழுதினாரென்றும் ஒரு கதை சொல்லப்படுகிறது. இதற்கு ஆதாரமாக இப்பாடலின் முதல் கவியும், மூன்றாவது கவியும் சுட்டிக்காட்டப்படுகின்றன. ஆனால் சிலகாலத்திற்கு முன் அவரது தங்கையான குமாரி மாத்தீசனைக் கேட்டபோது, அவர் இளவயதிலேயே மங்கின பார்வையுடையவராயிருந்து, சுமார் பதினெட்டு வயதில் கண்பார்வை இழந்ததாகவும், அவர் நாற்பது வயதாயிருக்கையில்தான் இப்பாடல் எழுதப்பட்டது என்றும் கூறியுள்ளார்.  ஆதலால் மேற்கூறிய கதை வெறும் கட்டுக்கதை என்பது திண்ணம்.  எனினும் தனக்கு அருமையான ஒருவரது மரணத்தாலும், மற்றும் சில காரணங்களாலும், அதிகமான வேதனையடைந்து, அதை ஆழ்ந்து சிந்தித்துக்கொண்டிருக்கையில், திடீரென இப்பாடல் அவர் மனதில் உருவானதாகவும், சில நிமிடங்களில் இதை எழுதி முடித்ததாகவும் அவரே கூறியுள்ளார்.

ஜியார்ஜ் மாத்தீசன் 1842ம் ஆண்டு, மார்ச் மாதம் 27ம் தேதி, ஸ்காட்லாண்டு நாட்டில், கிளாஸ்கோ (Glasgow, Scotland) நகரில் தனவந்தரான ஒரு வியாபாரியின் மகனாகப் பிறந்தார்.குழந்தைப் பருவத்திலிருந்தே மங்கின பார்வையுடையவராயிருப்பினும், கிளாஸ்கோ பல்கலைக்கழகத்தில் (University of Glasgow) பயின்று, 1862ம் ஆண்டில், ‘எம்.ஏ’ பட்டம் பெற்றார். 1866ல் கிளாஸ்கோ நகரில் சாண்டிபோர்ட் ஆலயத்தில் உதவிகுருவாகத் தம் ஊழியத்தை ஆரம்பித்தார்.  இரு ஆண்டுகளுக்குப்பின், இன்னிலான் என்னும் ஊரில் ஒரு தனிச்சபைக் குருவாக நியமிக்கப்பட்டார். அவரது பிரசங்கத்திறமை பரவவே, 1886ல் எடின்பரோ நகரில் சுமார் இரண்டாயிரம் அங்கத்தினர் கொண்ட தூய பர்னார்டு ஆலயத்தின் (St. Bernard's Parish Church) குருவாக நியமனம் பெற்று, பதிமூன்று ஆண்டுகள் அங்கு ஊழியம் செய்தார். கண்பார்வை இல்லாததால் அவர் செய்ய ஆசித்த வேத ஆராய்ச்சிகளைச் செய்ய முடியவில்லை.  ஆயினும், வேதசாஸ்திர சம்பந்தமாக அவர் பதினேழு சிறந்த புத்தகங்கள் எழுதியுள்ளார். அவரது வேத சாஸ்திரத்திறமைக்காக பண்டிதர் (Doctor of Divinity) பட்டமும், வேறு பல பட்டங்களும் பெற்றார்.

Albert Lister Peace

‘அன்பே விடாமல் சேர்த்துக்கொண்டீர்’ என்ற பாடல் 1882ல் மேற்கூறிய சந்தர்ப்பங்களில் எழுதப்பட்டது.  இப்போது இது பல பிறமொழிகளில் மொழிபெயர்க்கப்பட்டு, சங்கீதப் பண்டிதர் டாக்டர். ஆல்பர்ட் பீஸ் (Albert Lister Peace) என்பவரால் எழுதப்பட்ட ‘St. Margaret’ என்னும் அழகிய இராகத்தில் பாடப்பட்டு வருகிறது.

அவர் 1906ம் ஆண்டு ஆகஸ்டு மாதம், 28ம் தேதி, தமது 64ம் வயதில், ஸ்காட்லாண்ட் நாட்டில் போர்த் நகரில் காலமானார்.

Unison

Soprano

Alto

Alto with Soprano

Tenor

Tenor with Soprano

Bass

Bass with Soprano

1.            அன்பே விடாமல் சேர்த்துக் கொண்டீர்

சோர்ந்த என் நெஞ்சம் உம்மில் ஆறும்;

தந்தேன் என் ஜீவன் நீரே தந்தீர்,

பிரவாக அன்பில் பாய்ந்தென்றும்

ஜீவாறாய்ப் பெருகும்.

2.            ஜோதி! என் ஆயுள் முற்றும் நீரே;

வைத்தேன் உம்மில் என் மங்கும் தீபம்;

நீர் மூட்டுவீர் உம் ஜோதியாலே;

பேர் ஒளிக் கதிரால் உள்ளம்

மேன்மேலும் ஸ்வாலிக்கும்.

3.            பேரின்பம் நோவில் என்னைத் தேடும்!

என் உள்ளம் உந்தன் வீடே என்றும்;

கார் மேகத்திலும் வான ஜோதி!

‘விடியுங்காலை களிப்பாம்!’

உம் வாக்கு மெய் மெய்யே.

4.            குருசே! என் வீரம் திடன் நீயே;

உந்தன் பாதம் விட்டென்றும் நீங்கேன்;

வீண் மாயை யாவும் குப்பை நீத்தேன்;

விண் மேனியாய் நித்திய ஜீவன்

வளர்ந்து செழிக்கும்.

O Love that wilt not let me go

Post Comment

பாமாலை 363 - நான் உம்மை முழுமனதால் (Stella)

பாமாலை 363 - நான் உம்மை முழுமனதால் 
Thee will I love, my strength
Tune : Stella

SATB

Soprano

Alto

Alto with Soprano

Tenor

Tenor with Soprano

Bass

Bass with Soprano

1.    நான் உம்மை முழுமனதால்
சிநேகிப்பேன் என் இயேசுவே
நான் உம்மை நித்தம் வாஞ்சையால்
பின்பற்றுவேன் என் ஜீவனே
என் சாவு வேளை மட்டும் நீர்
என் நெஞ்சில்தானே தங்குவீர்.

2.    நான் உம்மை நேசிப்பேன், நீர்தாம்
என் உத்தம சிநேகிதர்
நீர் தெய்வ ஆட்டுக்குட்டியாம்
நீரே என் மீட்பரானவர்
நான் உம்மை முன் சேராததே
நிர்ப்பந்தம், வெட்கம், நஷ்டமே.

3.    உம்மைப் பற்றாமல் வீணணாய்
பொல்லாங்கைச் செய்து சுற்றினேன்
பரத்தை விட்டுத் தூரமாய்
இகத்தை அன்பாய்ப் பற்றினேன்
இப்போ நான் உம்மைச் சேர்ந்தது
நீர்தாமே செய்த தயவு.

4.    நான் உம்மைச் சுக வாழ்விலும்
சிநேகிப்பேன் என் கர்த்தரே
நான் உம்மைத் துன்பநாளிலும்
நேசிப்பேன் எந்தன் இயேசுவே
என் சாவு வேளை மட்டும் நீர்
என் நெஞ்சில்தானே தங்குவீர்.

Post Comment

பாமாலை 353 - இயேசுவின் கைகள் காக்க

பாமாலை 353 – இயேசுவின் கைகள் காக்க

(Safe in the arms of Jesus)

’அவருடைய நித்திய புயங்கள் உனக்கு ஆதாரம். உபா 33:27

முன்னொரு காலத்தில் ஒரு வாலிபனும் ஓர் இளம்பெண்ணும் ஒருவரையொருவர் காதலித்துத் திருமணம் செய்யத் தீர்மானித்தனர்.  ஆனால் அவர்களது பெற்றோர் இதற்குச் சம்மதம் தர மறுத்தனர்.  அவ்வூருகருக்கில் ஒரு மலையடிவாரத்தில் சிலுவையிலறையப்பட்ட இயேசுவின் சிலை ஒன்று வைக்கப்பட்டிருந்தது.  அவ்விருவரும் அச்சிலையினடியில் முழங்காலிட்டு ஜெபித்து வாழ்க்கை ஒப்பந்தம் செய்து, அயல் நாட்டுக்குச் சென்று வாழ்ந்து வந்தனர்.  அநேக ஆண்டுகளுக்குப்பின், அவ்வாலிபன் அப்பெண்ணைக் கைவிட்டு, வேறு இடத்துக்குச் சென்றுவிட்டான்.  தனியாக விடப்பட்ட அவள், யாதொரு ஆதரவுமின்றித் தவித்து, மறுபடியும் மலையடிவாரத்திலிருந்த அச்சிலையினடியில் முழங்காலிட்டுத் தன் துயரத்தை ஆண்டவரிடம் கூறினாள்.  உடனே சிலையின் வலதுகரம் ஆணியிலிருந்து கழன்று, அவளை அணைத்து மார்போடு சேர்த்துக்கொண்டது.  அதுமுதல் சிலையின் வலதுகரம் அந்நிலையிலேயே இருந்ததாகக் கூறப்படுகிறது.  இது ஒரு கதையாயிருந்தாலும், ஆதரவற்றுத் தவிப்பவர்களுக்கு ஆண்டவரின் கரங்களே ஆதரவு என்னும் உண்மையைப் புகட்டுகிறது.

பல ஆண்டுகளுக்கு முன், அமெரிக்காவில் நியூயார்க் நகரில் நடந்துகொண்டிருந்த ஒரு விழாவில், நகரவாசிகளான ஆண்கள், பெண்கள், குழந்தைகள் ஏராளமாகக் கலந்து கொண்டனர்.  திடீரென அங்கு ஒரு கலவரம் ஏற்பட, எல்லோரும் பயமடைந்து அங்குமிங்குமாகச் சிதறி ஓடினர்.  திகிலடைந்து ஓடிவந்த ஒரு குழந்தையை அதின் தாயார் கையிலெடுத்து, மார்போடு சேர்த்தணைத்து, ‘அம்மாவின் கையிலிருப்பதால் பயப்படாதே’ என தைரியமூட்டினாள். 

Fanny Crosby

இதைக்கண்ட ஓர் அம்மையார் இச்சம்பவத்தைப் ஃபானி கிராஸ்பி (Fanny Crosby) என்னும் தனது நண்பருக்குச் சொன்னார்கள்.  இளம் பிராயத்திலிருந்தே கண் பார்வையை இழந்த கிராஸ்பி அம்மையார், கிறிஸ்தவப் பாடல்கள் எழுதுவதையே தன் வாழ்க்கையின் லட்சியமாகக் கொண்டிருந்தார்.  இச்சம்பவத்தைக் கேட்டவுடன் அந்த அம்மையார் இயேசுவின் கரங்களில் நாம் இருக்கும்போது எவ்வித ஆபத்துகளிலும் பத்திரமாகக் காக்கப்படுவோம் என்பதை உணர்ந்து, இதை ஒரு பாடலாக வெளியிட ஆவல் கொண்டார்.  சில தினங்களுக்குப் பின் அவரது நண்பரான வில்லியம் டோன் போதகர் (William Howard Doane), சின்சினாட்டி நகரில் ஓய்வுநாட்பாடசாலை சம்பந்தமான ஒரு மாநாட்டுக்குச் செல்லும் பாதையில் ஃபானி கிராஸ்பி அம்மையாரைச் சந்தித்தார்.  அம்மாநாட்டில் பாடப்படுவதற்காகப் புதிதாக அவர் எழுதியிருந்த ராகத்துக்கேற்ற ஒரு பாடலை எழுதித்தருமாறு அம்மையாரைக் கேட்டார். 

William Howard Doane

போதகர் புகைவண்டி ஏறுவதற்கு 35 நிமிடங்களே இருந்தன. உடனே அம்மையார் அவரைப் பியானோவில் ராகத்தை வாசிக்கச் செய்து ‘இந்த ராகம் ‘இயேசுவின் கைகள் காக்க, மார்பினில் சாருவேன்’ என்னும் பாடலை என் மனதில் பிறப்பிக்கிறது’ எனக்கூறி, சுமார் 25 நிமிடங்களுக்குள் இப்பாடலை எழுதி முடித்துப் போதகரிடம் கொடுத்தார்.  அவரும் அதை ஒருமுறை பாடிப்பார்த்து வெகுவாகப் பாராட்டி, குறிப்பிட்ட நேரத்தில் சின்சினாட்டி நகரையடைந்தார்.  இம்மாநாட்டில்தான் இப்பாடல் முதன்முறையாகப் பாடப்பட்டது.  இப்போது இப்பாடல் கிறிஸ்தவ உலகமெங்கும் தமக்கு அருமையானவர்களை இழந்து துக்கக்கடலில் மூழ்கியிருப்பவர்களுக்கு ஆறுதலும், மனசாந்தியும், நம்பிக்கையும் அளித்து வருகிறது.

ஃபானி கிராஸ்பி அம்மையார் 1820ம் ஆண்டு மார்ச் மாதம், 24ம் தேதி, நியூயார்க் நகரில் பிறந்தார்.  ஆறுவாரக் குழந்தையாயிருக்கும்போதே தவறான மருத்துவ சிகிச்சையால் கண் பார்வையை இழந்தார்.  பன்னிரெண்டு வயதாயிருக்கையில் நியூயார்க் நகரில் பார்வை இழந்தோர் பள்ளியில் பயின்று 1847 முதல் 1858 வரை அப்பள்ளியிலேயே ஆசிரியையாயிருந்தார்.  1858ல் அவர் அலக்ஸாண்டர் ஆல்ஸ்டைன் என்னும் பார்வை இழந்த சங்கீத நிபுணரை மணந்தார்.  இளம் பிராயத்திலேயே கவித்திறமையுடையவராயிருந்து, பல செய்யுள்களும் பாடல்களும் எழுதியுள்ளார்.  அவர் எட்டு வயதாயிருக்கையில் தனது முதல் செய்யுளை எழுதினார்.  சுவிசேஷப் பாடல்கள் எழுதுவதில் முதலிடம் பெற்றவர் இவரே.  தமது வாழ்க்கையில் எட்டாயிரத்துக்கதிகமான பாடல்களை எழுதியுள்ளார்.  இவர் எழுதிய நூற்றுக்கணக்கான பாடல்கள், ‘Sacred Songs and Solos’ என்னும் ஆங்கிலப் பாட்டுப்புத்தகத்தில் காணலாம்.  ‘போற்றும் போற்றும் புண்ணியநாதரைப் போற்றும்’ (பாமாலை 267), ‘இயேசுவே கல்வாரியில் என்னை வைத்துக்கொள்ளும்’ (பாமாலை 333) என்னும் பாடல்களும் இவர் எழுதியவையே.

ஃபானி கிராஸ்பி அம்மையார் 1915ம் ஆண்டு, பிப்ரவரி மாதம் 12ம் தேதி தமது 95ஆம் வயதில் மறுமைக்குட்பட்டார்.

Unison

Soprano

Alto

Alto with Soprano

Tenor

Tenor with Soprano

Bass

Bass with Soprano

1.    இயேசுவின் கைகள் காக்க

மார்பினில் சாருவேன்

பேரன்பின் நிழல் சூழ

அமர்ந்து சுகிப்பேன்

பளிங்குக் கடல் மீதும்

மாட்சி நகர் நின்றும்

தூதரின் இன்ப கீதம்

பூரிப்புண்டாக்கி விடும்

இயேசுவின் கைகள் காக்க

மார்பினில் சாருவேன்

பேரன்பின் நிழல் சூழ

அமர்ந்து சுகிப்பேன்

2.    இயேசுவின் கைகள் காக்க

பாழ்லோகின் கவலை

சோதனை பாவக்கேடும்

தாக்காது உள்ளத்தை

கஷ்டம் துக்கம் கண்ணீரும்

காணாமல் நீங்குமே

வதைக்கும் துன்பம் தோஷம்

விரைவில் தீருமே.

3.    இயேசு என் இன்பக் கோட்டை

எனக்காய் மாண்டோரை

சார்ந்தென்றும் நிற்பேன் நீரே

நித்திய கன்மலை,

காத்திருப்பேன் அமர்ந்து

ராக்காலம் நீங்கிட

பேரின்ப கரை சேர

மா ஜோதி தோன்றிட.

Safe in the Arms of Jesus

Post Comment