பாமாலை 319 - உன் நெஞ்சிலே உண்டான (Cruger)

பாமாலை 319 - உன் நெஞ்சிலே உண்டான 
Tune : Cruger

SATB

Soprano

Alto

Alto with Soprano

Tenor

Tenor with Soprano

Bass

Bass with Soprano

1.  உன் நெஞ்சிலே உண்டான 

விசாரங்களை நீ

கர்த்தாவின் உண்மையான

கரத்துக்கொப்புவி;

விண்மண்ணை ஆண்டிருக்கும்

மகா தயாபரர்

உன் காரியங்களுக்கும்

வழியுண்டாக்குவர்.

2.  ஜெயமடைந்து வாழ

கர்த்தாவைப் பிள்ளைபோல்

நீ நம்பி, மனதார

பணிந்து பற்றிக்கொள்.

உன் கவலைகளாலே

பயம் ரட்டிக்குது;

வேண்டாம், ஜெபத்தினாலே

நீ வேண்டிக்கொண்டிரு.

3.  ஏழை அடியாருக்கு

பிதாவாம் தேவரீர்

இன்னின தெங்களுக்கு

வேண்டும் என்றறிவீர்;

நீர் எதை நல்லதாக

கண்டீரோ, அதை நீர்

உம் வேளை பலமாக

வர விடுகிறீர்.

4.  பல வழிவகையும்

உம்மாலே ஏற்படும்;

நீர் செய்வது இசையும்,

நீர் சொன்னது வரும்;

நீர் வாக்குத்தத்தமாக

மொழிந்தவை எல்லாம்

உம்மாலே திட்டமாக

நற்காலத்தில் உண்டாம்.

5.  இக்கட்டுகளினாலே

கலங்கினோனே, நீ

திடன் கொள், கர்த்தராலே

இக்கட்டின் ராத்திரி

சந்தோஷமாக மாறும்,

சற்றே பொறுத்திரு;

நீ பூரிப்பாய்க் கொண்டாடும்

நாள் வரப்போகுது.

6.  உன் கவலைகளுக்கு

இன்றே விடை கொடு;

இனி விசாரத்துக்கு

இடங்கொடாதிரு;

நீ ஆளும் தெய்வமல்ல,

நீ பூச்சி யென்றறி;

சருவத்திற்கும் வல்ல

கர்த்தர் அதிபதி.

7.  நீ பக்தியை விடாமல்

பொறுத்திருக்கையில்

கர்த்தர் நீ நினையாமல்

இருக்கும் நேரத்தில்

உன் துக்கத்தை அகற்ற

வெளிச்சம் காண்பிப்பார்;

நீ நன்மைக்காகப் பட்ட

சலிப்பை நீக்குவார்.

8.  அட்சணமே பலத்த

ஜெயமும் பூரிப்பும்

ஆசீர்வதிக்கப்பட்ட

தெய்வீகத் தேற்றலும்

அடைந்து, இன்பமான

மன மகிழ்ச்சியாய்

அன்புள்ள மீட்பரான

கர்த்தாவைப் பாடுவாய்.

9.  கர்த்தாவே, எங்களுக்கு

எல்லா இக்கட்டிலும்

ரட்சிப்பளிப்பதற்கு

நேரிட்டுக்கொண்டிரும்;

ஆ, எங்களைத் தேற்றிடும்;

பரகதிக்குப் போம்

வழியிலும் நடத்தும்,

அப்போ பிழைக்கிறோம்.

 

Post Comment